1977-ൽ പുറത്തിറങ്ങിയ അഗ്നിനക്ഷത്രം എന്ന ചിത്രത്തിലെ ഒരു മലയാളം ഗാനമാണ് “നിത്യസഹായ മാതാവേ”. ഈ ഗാനം ആലപിച്ചത് പിന്നണി ഗായിക പി.സുശീലയാണ്. ശശികല മേനോനാണ് ഈ ഗാനത്തിന്റെ വരികൾ എഴുതിയിരിക്കുന്നത്. ഈ ഗാനം മനോഹരമായി ചിട്ടപ്പെടുത്തിയത് സംഗീത സംവിധായകൻ ജി.ദേവരാജനാണ്. നിത്യസഹായമാതാവേ, അശ്രിതർക്കാശ്വാസമേകേണമേ, ജീവിതവീഥിയിൽ അന്ധരാം ഞങ്ങൾക്ക്, കരുണ തൻ പൊൻ കതിർ ചൊരിയേണമേ (2), പാപത്തിൻ നിഴലുകൾ നീങ്ങിടുവാൻ, എന്നും കാവൽ വിളക്കായ് ജ്വലിക്കേണമേ(2), ഒരു സ്നേഹ സാമ്രാജ്യമിവിടെയുയർത്തുവാൻ, അഭിവന്ദ്യയാമമ്മേ കനിയേണമേ, അമ്മേ അമ്മേ പരിശുദ്ധ കന്യാമറിയമേ (നിത്യ..), വേദന തൻ മരുഭൂമികളിൽ എന്നും ദാഹ ജലം, നീ പകരേണമേ (2), ഈ ഭവനത്തിൽ ചിറകറ്റ, ഞങ്ങൾ തൻ കുറ്റങ്ങളെല്ലാം, പൊറുക്കേണമേ, അമ്മേ അമ്മേ പരിശുദ്ധ കന്യാമറിയമേ (നിത്യ..).!