1.”കാര്യം കാണാൻ കഴുത കാലും പിടിക്കണം “: ആഗ്രഹിച്ച കാര്യം സാധിച്ചെടുക്കാൻ ചിലപ്പോൾ വളഞ്ഞ വഴിയിലൂടെ പ്രവർത്തിക്കേണ്ടി വരും. അത്തരം സന്ദർഭങ്ങളിൽ ഉപയോഗിക്കുന്ന പ്രയോഗമാണ് ഈ പഴഞ്ചൊല്ല്. 2. “കൈ നനയാതെ മീൻ പിടിക്കുക “: കഷ്ടപെടാതെ നേട്ടമുണ്ടാക്കുക. നേട്ടമുണ്ടാക്കാൻ കഷ്ടപ്പെടണം എന്ന് നിർബന്ധം ഇല്ല എന്നാണ് ഇക്കൂട്ടരുടെ വിശ്വാസം. 3. “കാട്ടിലേ തടി തേവരുടെ ആന വലിയെടാ വലി “: ആർക്കും ഒരു ഉത്തരവാദിത്തം ഇല്ലാത്ത പ്രവർത്തിയെയാണ് ഇങ്ങനെ പറയാറുള്ളത്. തടിയും ആനയും സ്വന്തം അല്ലാലോ എന്ന ചിന്ത ആണിത്. വെറുമൊരു നേട്ടത്തിന് വേണ്ടി ആത്മാർത്ഥത കാണിക്കില്ല ഇക്കൂട്ടർ.