"തോപ്പിൽ ഭാസി രചനയും സംവിധാനവും നിർവ്വഹിച്ച് കുഞ്ചാക്കോ നിർമ്മിച്ച ഒരു മലയാളചലച്ചിത്രമാണ് നിങ്ങളെന്നെ കമ്മ്യൂണിസ്റ്റാക്കി. 1970 ലാണ് ചിത്രം പുറത്തിറങ്ങിയത്. പ്രേം നസീർ, സത്യൻ, ഷീല, ജയഭാരതി എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. 1952-ൽ അരങ്ങേറിയ അതേ പേരിലുള്ള ഒരു നാടകത്തെ ആസ്പദമാക്കിയാണ് ഈ ചിത്രം നിർമ്മിച്ചിരിക്കുന്നത്. ഈ ചിത്രത്തിന് സംഗീതം നൽകിയത് ജി. ദേവരാജനാണ്. ചിത്രത്തിൽ ആകെ ആറ്ഗാ നങ്ങളാണുണ്ടായിരുന്നത്. വയലാർ രാമവർമയായിരുന്നു ഗാനരചയിതാവ്. ഐക്യമുന്നണി, അമ്പലപ്പറമ്പിലെ, എല്ലാരും പാടത്ത്, കൊതുമ്പുവള്ളം തുഴഞ്ഞുവരും, നീലക്കടമ്പിൻ പൂവോ, പല്ലനായരുടെ തീരത്ത് എന്നിവയാണ് ഈ ചിത്രത്തിലെ ഗാനങ്ങൾ."