""നീയെന്നേ ഗായകനാക്കീ ഗുരുവായൂരപ്പാ കണ്ണാ മഴമുകിലൊളിവര്‍ണ്ണാ"" എന്ന ഗാനം 'മയിൽപീലി' എന്ന ഭക്തിഗാന ആൽബത്തിലെ ഏറ്റവും മികച്ച ഗാനങ്ങളിലൊന്നാണ്. എസ്.രമേശൻ നായരുടെ വരികൾക്ക് സംഗീത സംവിധാനം നിർവഹിച്ചിരിക്കുന്നത് ജയനാണ്. കല്യാണി രാഗത്തിലാണ് ഗാനം ചിട്ടപ്പെടുത്തിയിരിക്കുന്നത്. ഗാനഗന്ധർവ്വൻ കെ.ജെ യേശുദാസാണ് ഈ ഗാനം ആലപിച്ചിരിക്കുന്നത്. ഗുരുവായൂരപ്പനായ ശ്രീകൃഷ്ണഭഗവാനോടുള്ള അതിതീവ്രമായ ഭക്തി കൊണ്ട് താൻ ഒരു പാട്ടുകാരനല്ലയിരുന്നിട്ടുകൂടി ഭഗവാനേ പ്രകീർത്തിച്ചു പാടാനും തന്റെ വിഷമങ്ങൾ പാടി അറിയിക്കാനും സാധിക്കുന്നു എന്നതാണ് ഗാനത്തിൽ പറയുന്നത്.