1982-ൽ പുറത്തിറങ്ങിയ 'പൊന്നും പൂവും' എന്ന ചിത്രത്തിലെ മനോഹരമായ ഇമ്പമുള്ള ഒരു ഗാനം. പി .ഭാസ്കരൻ മാഷാണ് വരികൾ സൃഷ്ടിച്ചിരിക്കുന്നത്. തൻ്റെ ഉദാത്തമായ സംഗീതംകൊണ്ട് ആ വരികൾക്ക് അതിൻ്റെ ജീവൻ നൽകിയിരിക്കുന്നത് കെ. രാഘവൻ മാഷാണ്. പി .ജയചന്ദ്രൻ എന്ന ഭാവഗായകൻ്റെ ആലാപനത്തിലൂടെ ആ ഗാനം ജനപ്രിയവും പ്രശസ്തവുമായി . എ. വിൻസൻ്റ് സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് പാവമണിയാണ്. പ്രഗൽഭ അഭിനേതാക്കളായ നെടുമുടിവേണുവും മേനകയും അതിമനോഹരമായി തന്നെ ഗാനരംഗം അവതരിപ്പിച്ചിരിക്കുന്നു.