ജയരാജ് സംവിധാനം ചെയ്ത് 1993-ൽ പുറത്തിറങ്ങിയ പൈതൃകം എന്ന ചിത്രത്തിലെ"നീലാഞ്ജനപ്പൂവിൻ" എന്ന ഗാനം സൂപ്പർഹിറ്റായിരുന്നു. കൈതപ്രത്തിന്റെ വരികൾക്ക് എസ് പി വെങ്കിടേഷാണ് സംഗീതം പകർന്നിരിക്കുന്നത്. മികച്ച ഗാനരചയിതാവിനുള്ള കേരള സംസ്ഥാന ചലച്ചിത്ര അവാർഡ് കൈതപ്രം നേടി. മികച്ച സംഗീത സംവിധായകനുള്ള ഫിലിം ഫെയർ വാർഡ് എസ്. പി. വെങ്കിടേഷും നേടി. ഒരു പരമ്പരാഗത ബ്രാഹ്മണ കുടുംബത്തെയും നിരീശ്വരവാദത്തോടുള്ള അവരുടെ പോരാട്ടത്തെയും കേന്ദ്രീകരിച്ചാണ് കഥ. ഭാനു നമ്പൂതിരി അടുത്തുള്ള ഒരു കുഗ്രാമത്തിലെ ഗൗരി എന്ന പെൺകുട്ടിയുമായി പ്രണയത്തിലാകുന്നു. സോമയാജിയോട് അതിനെക്കുറിച്ച് പറയാൻ അവൻ അമ്മയോട് (നന്ദിത ബോസ്) ആവശ്യപ്പെടുന്നു. പക്ഷേ, സോമയാജി പറയുന്നതനുസരിച്ച്, ഭാനുവിന്റെ ജാതകത്തിന് ഒന്നിലധികം പ്രശ്നങ്ങൾ ഉണ്ട്, 27-ാം വയസ്സിൽ അവന്റെ ജീവിതം അപകടത്തിലായേക്കാം. ഇതിന്റെ ഫലമായി അയാൾ വിഷാദത്തിലാവുകയും ആത്മഹത്യ ചെയ്യുകയും ചെയ്യുന്നു.