കാതിനിമ്പമാർന്ന ഈ ഈണം 'കടൽക്കാറ്റ്' എന്ന ചിത്രത്തിൽ നിന്നാണ്. കടൽതീര രംഗമാണ് ഈ പാട്ടിൽ ആവിഷ്കരിച്ചിരിക്കുന്നത്. അരയന്ന ചിറകുള്ള ഒരു തോണി യായി നീലനിലാവിനെ നായകൻ താരതമ്യം ചെയ്യുന്നു . അതിമനോഹരമായ കവി ഭാവനയും വാക്കുകളും! ഗാനരചയിതാവായ ബിച്ചുതിരുമലയ്ക്ക് പ്രണാമം. ഗാനഗന്ധർവ്വൻ്റെ മാസ്മരിക അവതരണം. ഈണം നൽകിയിരിക്കുന്നത് എ .ടി. ഉമ്മറാണ്.പി.ജി. വിശ്വംഭരൻ സംവിധാനം ചെയ്തു ഷെരീഫ് കൊട്ടാരക്കര നിർമ്മിച്ചിരിക്കുന്ന ചിത്രം .ജയഭാരതി ,കെ.പി.എ.സി. ലളിത, എം.ജി .സോമൻ, ബഹദൂർ എന്നിവർ മുഖ്യ വേഷങ്ങൾ കൈകാര്യം ചെയ്തിരിക്കുന്നു.