""നീലമേഘ കൂന്തലുണ്ട് വെള്ളി മിന്നൽ ചിലമ്പുണ്ട് "" എന്ന മനോഹരമായ ഗാനം 'അമ്മേ ശരണം ദേവീ ശരണം' എന്ന ഭക്തിഗാന ആൽബത്തിലെ ഏറ്റവും മികച്ച ഗാനങ്ങളിലൊന്നാണ്. ഈ ഗാനത്തിന്റെ രചന കൈതപ്രം ദാമോദരൻ നമ്പൂതിരിയും സംഗീതം രവീന്ദ്രൻ മാഷുമാണ് നിർവഹിച്ചിരിക്കുന്നത്. ഈ ഗാനം ആലപിച്ചിരിക്കുന്നത് അനുഗ്രഹീത ഗായകൻ ഗാനഗന്ധർവ്വൻ കെ.ജെ യേശുദാസാണ്. കണിച്ചുകുളങ്ങര ദേവിയെ പ്രകീർത്തിച്ച് കൊണ്ടുള്ള ഗാനമാണിത്. ഓരോ വരികളിലും ദേവിയുടെ ഉള്ള നിസ്വാർത്ഥമായ സ്നേഹം നമുക്ക് കാണുവാൻ സാധിക്കും. ദേവിയെ പലരീതിയിൽ ഈ ഗാനത്തിൽ വർണിക്കുന്നുണ്ട്.