"""ശരശയ്യ"" എന്ന ചലച്ചിത്രത്തിലെ ഗാനമാണ് ""നീലാംബരമേ - താരാപഥമേ ഭൂമിയിൽ ഞങ്ങൾക്കു ദുഃഖങ്ങൾ നൽകിയ ദൈവമിപ്പൊഴും അവിടെയുണ്ടോ അവിടെയുണ്ടോ... (നീലാംബരമേ..)"" എന്ന ഈ ഗാനം. വയലാർ രാമവർമ്മ എഴുതി, ജി ദേവരാജൻ സംഗീതം നൽകി, പി മാധുരി ആലപിച്ച ഗാനം. തോപ്പിൽ ഭാസി രചനയും സംവിധാനവും നിർവ്വഹിച്ച് 1971-ൽ പുറത്തിറങ്ങിയ ഒരു മലയാളചലച്ചിത്രമാണ് ശരശയ്യ. സത്യൻ, മധു, ഷീല, ജയഭാരതി,അടൂർ ഭാസി, എസ്.പി. പിള്ള, ആലുമ്മൂടൻ, എൻ. ഗോവിന്ദൻ കുട്ടി, തോപ്പിൽ കൃഷ്ണപ്പിള്ള എന്നിവരാണ് ഈ ചിത്രത്തിലെ പ്രധാന വേഷങ്ങളിൽ അഭിനയിച്ചിരിക്കുന്നത്. 1971-ലെ മികച്ച ചിത്രത്തിനുള്ള കേരള സർക്കാർ പുരസ്കാരം ഈ ചിത്രത്തിനു ലഭിച്ചു."