"ഫ്രാൻസിസ് ടി. മാവേലിക്കര കഥയും കലൂർ ഡെന്നീസ് തിരക്കഥയും എഴുതി ബാലു കിരിയത്ത് സംവിധാനം ചെയ്ത 'വെണ്ടർ ഡാനിയൽ സ്റ്റേറ്റ് ലൈസൻസി' എന്ന സിനിമയിലെ ഗാനമാണ് "" നീലക്കണ്ണാ നിന്നെ കണ്ടൂ ഗുരുവായൂർ നടയിൽ ഓടക്കുഴലിൻ നാദം കേൾക്കേ സ്നേഹക്കടലായ് ഞാൻ "" എന്നുള്ളത്. കൈതപ്രം ദാമോദരൻ നമ്പൂതിരിയുടെ വരികൾക്ക് ഈണം നൽകിയിരിക്കുന്നത് എസ്. പി വെങ്കിടേഷാണ്. ഈ മനോഹരമായ ഗാനം പാടിയിരിക്കുന്നത് മലയാളത്തിന്റെ വാനമ്പാടി കെ.എസ്. ചിത്രയാണ്. 1994 ൽ പുറത്തിറങ്ങിയ സിനിമയിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് ജഗദീഷ്, ജഗതി ശ്രീകുമാർ, കവിയൂർ പൊന്നമ്മ, തിലകൻ തുടങ്ങിയവരാണ്."