ദിശ അറിയാൻ സഞ്ചാരികൾ സ്വീകരിക്കുന്ന ഒരു മാർഗമാണ് നാവിക നക്ഷത്രങ്ങൾ. കപ്പൽ യാത്രകളിലാണ് ഇത് കൂടുതലും ഉപയോഗിക്കുന്നത്. രാത്രിയിൽ കാഴ്‌ച കുറയുന്നതിനാൽ നാവിക നക്ഷത്രങ്ങളുടെ സ്ഥാനവും അതിൽ നിന്നുള്ള ഏകദേശ ദൂരങ്ങളും കണക്കാക്കുന്നത് വേഗത്തിൽ ദിശ നിർണ്ണയിക്കാൻ സഞ്ചാരികൾക്ക് സഹായകമാകുന്നു. നാവിഗേഷൻ നക്ഷത്രങ്ങളെ തിരിച്ചറിയുന്നതിനും നക്ഷത്രസമൂഹങ്ങൾ, ആപേക്ഷിക സ്ഥാനങ്ങൾ, തെളിച്ചം എന്നിവ കാണിക്കുന്നതിനും ഇവർ കയ്യിൽ നക്ഷത്ര ചാർട്ടുകൾ കരുതാറുണ്ട്. അൻപത്തിയേഴ് നാവിഗേഷൻ നക്ഷത്രങ്ങൾ കൂടാതെ "ധ്രുവ നക്ഷത്രത്തിനും ആകാശ നാവിഗേഷൻ മേഖലയിൽ പ്രത്യേക പദവി നൽകിയിട്ടുണ്ട്.