"""ഉൾക്കടൽ (1979)"" എന്ന ചലച്ചിത്രത്തിലെ ഗാനമാണ് ""നഷ്ടവസന്തത്തിന്‍ തപ്തനിശ്വാസമേ! മുഗ്ദ്ധലജ്ജാവതീ... മുഗ്ദ്ധലജ്ജാവതി ലാവണ്യമേ! മുത്തുക്കുട ഞാന്‍ നിവര്‍ത്തി നില്‍പ്പൂ!-- വരൂ .നീവരൂ.. മുത്തുക്കുട ഞാന്‍ നിവര്‍ത്തി നില്‍പ്പൂ.. ഭദ്രപീഠം ഞാനൊരുക്കി നില്‍പ്പൂ!"" എന്ന ഈ ഗാനം. ഒ എൻ വി കുറുപ്പിന്റെ വരികൾക്ക് എം ബി ശ്രീനിവാസന്‍ സംഗീതം നൽകി, കെ ജെ യേശുദാസ് ആലപിച്ച ഗാനം. കെ.ജി. ജോർജിന്റെ സംവിധാനത്തിൽ വേണു നാഗവള്ളി, ശോഭ എന്നിവർ പ്രധാനവേഷങ്ങളിൽ അഭിനയിച്ച് 1979-ൽ പ്രദർശനത്തിനിറങ്ങിയ ഒരു മലയാളചലച്ചിത്രമാണ് ഉൾക്കടൽ. മലയാളത്തിലെ ആദ്യ‌ത്തെ ക്യാമ്പസ് ചലച്ചിത്രമായി കണക്കാക്കപ്പെടുന്ന ഈ ചലച്ചിത്രത്തിന്റെ കഥ ജോർജ്ജ് ഓണക്കൂറിന്റെ ഉൾക്കടൽ എന്ന നോവലിൽ നിന്നാണ് എടുത്തിട്ടുള്ളത്. തിരുവനന്തപുരത്തെ മാർ ഇവാനിയോസ് കോളേജിലായിരുന്നു ഇതിന്റെ ചിത്രീകരണം. പ്രശസ്ത നടനായ തിലകൻ ആദ്യം അഭിനയിച്ച ചലച്ചിത്രമാണ് ഉൾക്കടൽ. ഓഎൻ വി യുടെ തൂലികയിൽ പിറന്ന എം ബി ശ്രീനിവാസൻ ഈണമിട്ട മലയാളത്തിലെ 4 അതുല്യ ഗാനങ്ങളാണ് ഈ ചിത്രത്തിന്റെ മറ്റൊരാകർഷണം"