ഒമർ ലുലു കഥയും സാരംഗ് ജയപ്രകാശ്, വേണു ഒ. വി, കിരൺ ലാൽ എന്നിവർ തിരക്കഥയും എഴുതി ഒമർ ലുലു സംവിധാനം ചെയ്ത 'ധമാക്ക'എന്ന സിനിമയിലെ ഗാനമാണ് " നാണിക്കാനെന്തേ പെണ്ണേ നാടേറെ ചുറ്റിട്ടല്ലേ രണ്ടാളും കെട്ടാൻ പോണേ സ്റ്റൈലൻ കല്യാണം" എന്നുള്ളത്. ബി. കെ ഹരിനാരായണന്റേതാണ് വരികൾ. ഈ ഗാനത്തിന് ഈണം നൽകിയിരിക്കുന്നത് ഗോപി സുന്ദറാണ്. സിതാര കൃഷ്ണകുമാർ, ശ്വേതാ അശോക്, അശ്വിൻ വിജയൻ, അഫ്സൽ, സച്ചിൻ രാജ് എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. 3 മിനിറ്റ് 44 സെക്കന്റാണ് ഗാനത്തിന്റെ ദൈർഘ്യം. 2019 ൽ ഇറങ്ങിയ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് അരുൺ കുമാർ, നിക്കി ഗൽറാണി, മുകേഷ്, ഉർവശി, ഇന്നസെന്റ് തുടങ്ങിയവരാണ്.