"""നക്ഷത്രങ്ങളേ കാവൽ"" എന്ന ചലച്ചിത്രത്തിലെ ഗാനമാണ് ""നക്ഷത്രങ്ങളേ കാവൽ നിൽക്കൂ ഈ ദുഃഖ സത്യങ്ങൾക്ക് സാക്ഷി നിൽക്കൂ നക്ഷത്രങ്ങളേ കാവൽ നിൽക്കൂ (നക്ഷത്രങ്ങളേ..) നിശ്ശൂന്യതയിൽ പ്രകാശ വർഷങ്ങൾ നിശ്ശബ്ദമിഴഞ്ഞു പോമീ വഴിയിൽ"" എന്ന ഈ ഗാനം. ഒ എൻ വി കുറുപ്പ് എഴുതി, ജി ദേവരാജൻ സംഗീതം നൽകി, കെ ജെ യേശുദാസ് ആലപിച്ച ഗാനം. 1978-ൽ പുറത്തിറങ്ങിയ ഒരു മലയാളചലച്ചിത്രമാണ് നക്ഷത്രങ്ങളേ കാവൽ. പി. പദ്മരാജന്റെ കേരള സാഹിത്യ അക്കാദമി അവാർഡ് നേടിയ അതേ പേരിലുള്ള നോവലിനെ ആസ്പദമാക്കി കെ എസ് സേതുമാധവൻ സംവിധാനം ചെയ്ത ഈ ചിത്രം ഹരി പോത്തനാണ് നിർമ്മിച്ചത്. ജയഭാരതി, എം ജി സോമൻ, സുകുമാരി, അടൂർ ഭാസി എന്നിവർ ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചു. ജി ദേവരാജന‍ാണ് ഈ ചിത്രത്തിന്റെ സംഗീതം നിർവ്വഹിച്ചത്. ഓ.എൻ.വി കുറുപ്പാണ് ചിത്രത്തിനുവേണ്ടി ഗാനങ്ങളെഴുതിയത്. "