നശ്വരമായ ഇഹലോകത്തുള്ള ജീവിതത്തെ കുറിച്ചാണ് ഈ വരികളിലൂടെ പ്രതിപാദിക്കുന്നത്. നമ്മൾക്ക് ഇവിടെ സമ്മാനിച്ച ജീവിതത്തിന് ഇഹലോകം എന്നും മരണാനന്തര ജീവിതത്തിനു പരലോകം എന്നുമാണ് പറയുന്നത്.ഈ ജീവിതത്തിൽ ലളിതമായി ജീവിക്കുന്നവരെ അല്ലാഹു ഇഷ്ടപ്പെടുന്നു. അല്ലാഹുവിനോടുള്ള സ്നേഹമാണ് ആഗ്രഹിക്കുന്നതെങ്കിൽ, ലളിതമായി ജീവിക്കുന്നതാണ് ഏറ്റവും നള്ളത്. മെച്ചപ്പെട്ട എന്തെങ്കിലും ലഭിക്കുമെന്ന പ്രതീക്ഷയിൽ ലൗകിക കാര്യങ്ങളോടുള്ള നിങ്ങളുടെ ആഗ്രഹം നിയന്ത്രിക്കേണ്ടതാണ്. ഈ ലോകത്ത് ആളുകൾ കൊതിക്കുന്ന കാര്യങ്ങൾ അടുത്ത ലോകത്തിൽ നാം പ്രതീക്ഷിക്കുന്ന കാര്യങ്ങളുമായി താരതമ്യപ്പെടുത്തുമ്പോൾ യഥാർത്ഥത്തിൽ വിലപ്പോവില്ലെന്ന് ആദ്യം മനസ്സിലാക്കേണ്ടതാണ്. ദിവസം കഴിയും തോറും നമ്മുടെ ആയുസ്സ് കുറയുകയാണ്. അങ്ങനെ നമ്മൾ എത്തിച്ചേരുന്ന സ്ഥലമാണ് ഖബർ. ശ്വാസം ഒന്നു നിലച്ചാൽ തീരാവുന്നതേ ഉള്ളൂ നമ്മുടെ അഹങ്കാരം. നശ്വരമായ ഈ ഭൂമിയിൽ നമ്മൾക്ക് പടച്ചവൻ തന്ന ജീവിതം അവൻ തന്നെ തിരിച്ചെടുക്കും. അതിൽ നിന്നും ഒരു നിമിഷം മുന്തിക്കുവാനോ പിന്തിരിക്കുവാനോ ആർക്കും സാധ്യമല്ല. ഇഹലോകത്ത് നാം വെറും അതിഥി മാത്രമാണ്. പടച്ചവൻ വിളിക്കുമ്പോൾ പോകേണ്ടവർരാണ്. അങ്ങനെ ചിന്തിച്ചു ജീവിക്കുകയാണെങ്കിൽ തിന്മ വെടിയാനും നന്മ കൈവരിക്കാനും സാധിക്കും. കരഞ്ഞു കൊണ്ട് ജനിച്ച നമ്മൾ എല്ലാവരെയും കരയിപ്പിച്ചാണ് ഈ ലോകത്ത് നിന്നും വിട വാങ്ങുന്നത്. അങ്ങനെ നമ്മൾ എത്തിച്ചേരുന്ന സ്ഥലമാണ് പള്ളിക്കാട്ടിലെ ആറടി മണ്ണായ ഖബറിൽ. എല്ലാവരെയും സ്നേഹിച്ചും ബഹുമാനിച്ചും നാളുകൾ കഴിച്ച് കൂട്ടിയാൽ നമ്മെ സ്നേഹിക്കാൻ വലിയവനായ റബ്ബ് ഉണ്ടാകും.