"എ. കെ. ലോഹിതദാസ് കഥയും തിരക്കഥയും എഴുതി സിബി മലയിൽ സംവിധാനം ചെയ്ത 'ഹിസ് ഹൈനസ് അബ്ദുള്ള' എന്ന സിനിമയിലെ ഗാനമാണ് "" നാദരൂപിണീ ശങ്കരീ പാഹിമാം പാഹിമാം ശ്രുതിമധുരതര നാദരൂപിണീ ശങ്കരീ പാഹിമാം"" എന്നുള്ളത്. കൈതപ്രം ദാമോദരൻ നമ്പൂതിരിയുടെ വരികൾക്ക് ഈണം നൽകിയിരിക്കുന്നത് രവീന്ദ്രൻ മാഷാണ്. എം.ജി ശ്രീകുമാറാണ് ഈ ഗാനം പാടിയിരിക്കുന്നത്. മികച്ച ഗായകനുള്ള നാഷണൽ അവാർഡ് ഈ ഗാനത്തിലൂടെ എം. ജി ശ്രീകുമാർ കരസ്ഥമാക്കി. 1990 ൽ പുറത്തിറങ്ങിയ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് മോഹൻലാൽ, നെടുമുടി വേണു, ഗൗതമി, ശ്രീനിവാസൻ, തിക്കുറിശ്ശി സുകുമാരൻ നായർ തുടങ്ങിയവരാണ്."