"""ആക്രമണം"" എന്ന ചലച്ചിത്രത്തിലെ ഗാനമാണ് ""മുത്തുക്കുടയേന്തി മൂവന്തിയും വന്നു ചിത്തിരപ്പൂമാനം ചുവന്നു.. തെയ്യാരെ തെയ്യാ കായലോളം പാടി മകരമാമ്പൂവേ കാറു കൊണ്ടാൽ കരിയുമല്ലോ നീ.""എന്ന ഈ ഗാനം. ശ്രീകുമാരൻ തമ്പി എഴുതി, ശ്യാം സംഗീതം നൽകി, കെ ജെ യേശുദാസ്, എസ് ജാനകി എന്നിവർ ആലപിച്ച ഗാനം. ശ്രീകുമാരൻ തമ്പിയുടെ സംവിധാനത്തിൽ 1981-ൽ പുറത്തിറങ്ങിയ മലയാളചലച്ചിത്രമാണ് ആക്രമണം. ഭവാനി രാജേശ്വരി പ്രൊഡക്ഷൻസിന്റെ ബാനറിൽ ശ്രീകുമാരൻ തമ്പി തന്നെയാണ് ചിത്രം നിർമ്മിച്ചത്. കഥയും തിരക്കഥയും സംഭാഷണവും അദ്ദേഹത്തിന്റേതുതന്നെ. മധു, ജയൻ എന്നിവർ ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചു. ബാലൻ കെ. നായർ, സത്താർ, ശ്രീവിദ്യ, ജയഭാരതി, പ്രമീള എന്നിവരാണ് മറ്റ് അഭിനേതാക്കൾ. ശ്രീകുമാരൻ തമ്പിയുടെ ഗാനങ്ങൾക്ക് ശ്യാം സംഗീതം നൽകി."