ഒരുമ്മയുടെ വ്യസനമാണ് ഈ ഗാനത്തിലൂടെ പ്രതിപാദിക്കുന്നത്. മകന്റെ ഒരു കത്തിനു വേണ്ടി കാത്തിരിക്കുന്ന ഒരുമ്മയാണ് ഗാനത്തിലെ മുഖ്യ കഥാപാത്രം. പത്തു മാസം വയറ്റിലിട്ട് പ്രസവിച്ച നിന്റെ ഉമ്മയെ നീ മറന്നുപോയോ എന്ന് വളരെ ദുഃഖത്തോടെ ആ ഉമ്മ ചോദിക്കുന്നത് കാണാം. ഒറ്റ മകൻ മാത്രമാണ് കഥാപാത്രമായ ഉമ്മാക്ക് ഉള്ളത്. മകളില്ലാത്ത വിഷമം അവന്റെ വിവാഹത്തിലൂടെ താൻ മറികടന്നോളാം എന്ന് ഉമ്മ ആശ്വസിക്കുന്നു. പിഞ്ചു കുഞ്ഞിന്റെ സാമീപ്യം താൻ ആഗ്രഹിക്കുന്നുണ്ട് എന്നും ഗാനത്തിലൂടെ ഉമ്മ പറയുന്നുണ്ട്. ഒരു ബസ് കയറി വരുന്ന ദൂരമായിരുനെകിൽ അവിടേക്കു ചെന്ന് തന്റെ മകനെ ഒന്ന് കാണുമെന്നും എന്നാൽ ബഹ്‌റിനക്കരെ ആയതിനാൽ അതും സാധ്യമല്ലലോ എന്ന് ഉമ്മ വിഷമത്തോടെ പറയുന്നു. രഹ്‌നയുടെ ശബ്ദത്തിൽ ഉമ്മയുടെ വ്യസനം പറയുകയാണ് ഇവിടെ രചയിതാവ്. ഗാനത്തിൽ ഉടനീളം ഉമ്മയുടെ വ്യസനമാണ് രചയിതാവ് കാണിക്കുന്നത്. രഹനയുടെ ശബ്ദം ഗാനത്തിന്റെ മനോഹാരിത കൂട്ടുന്നു.