എസ്.എൽ. പുരം സദാനന്ദൻ കഥ, തിരക്കഥ സംഭാഷണം എന്നിവ രചിച്ച് ജെ. ശശികുമാർ സംവിധാനം ചെയ്ത1979 ൽ പുറത്തിറങ്ങിയ ഒരു മലയാള ചലച്ചിത്രമാണ് ഓർമയിൽ നീ മാത്രം. അതിലെ ഒരു ഗാനമാണ് മുന്തിരി ചാറിന് ലഹരിയുണ്ടോ എന്ന ഗാനം. ആർ. ദേവരാജൻ നിർമ്മിച്ച ഈ ചിത്രത്തിൽ പ്രേം നസീർ, ജയഭാരതി, സുധീഷ്, കൊച്ചിൻ ഹനീഫ് തുടങ്ങിയവർ ആണ് പ്രധാന കഥാപാത്രങ്ങൾ. യൂസഫലി കേച്ചേരി എഴുതിയ ഗാനങ്ങൾക്ക് ജി. ദേവരാജൻ ആണ് സംഗീതം നൽകിയത്. പരവൂർ ഗോവിന്ദൻ ദേവരാജൻ, (ജി. ദേവരാജൻ അഥവാ ദേവരാജൻ മാസ്റ്റർ) മലയാളത്തിലെ പ്രശസ്ത ചലച്ചിത്ര സംഗീത സംവിധായകനായിരുന്നു. എക്കാലത്തെയും മികച്ച സംവിധായകൻ എന്ന് പറയാം. മുന്നൂറിലേറെ മലയാളചലച്ചിത്രങ്ങൾക്ക് ദേവരാജൻ മാസ്റ്റർ ഈണം പകർന്നിട്ടുണ്ട്. മലയാളത്തിൽ ഏറ്റവും കൂടുതൽ ചലച്ചിത്രങ്ങൾക്ക് സംഗീതസംവിധാനം നിർവ്വഹിച്ചതും ഏറ്റവും കൂടുതൽ ചലച്ചിത്രഗാനങ്ങൾ സൃഷ്ടിച്ചതും അദ്ദേഹമാണ്.