2011ൽ പുറത്തിറങ്ങിയ "ക്രിസ്ത്യൻ ബ്രദേഴ്സ്"എന്ന മലയാള ചിത്രത്തിലെ ഗാനമാണ് "മോഹം കൊണ്ടാൽ ഇന്നേതുപെണ്ണും പൂച്ചയെപ്പോലെ പതിയെപ്പതിയേ". കൈതപ്രത്തിന്റെ വരികൾക്ക് ദീപക് ദേവിന്റെ സംഗീതത്തിൽ ആണ് ഈ ഗാനം പുറത്തിറങ്ങിയത്. നിഖിൽ മേനോൻ,രഞ്ജിത്ത് ഗോവിന്ദ്,റിമിടോമി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. ഈ ചിത്രത്തിന് കഥ,തിരക്കഥ,സംഭാഷണം എന്നിവ രചിച്ചിരിക്കുന്നത് ഉദയകൃഷ്ണ സിബി കെ തോമസ് എന്നിവർ ചേർന്നാണ്. ഈ ചിത്രം സംവിധാനം ചെയ്തിരിക്കുന്നത് ജോഷിയാണ്.