"മോഹക്കുരുവിയ്ക്ക് കൂടുകൂട്ടാനൊരു പൂംചില്ല നൽകിയ തേൻകിനാവേ നോവും ശിരസ്സൊന്നു ചായ്ക്കാൻ എനിയ്ക്കു നീ നെഞ്ചിലിടം തന്ന പെൺകിടാവേ നീയെന്റെ സാന്ത്വനമല്ലേ ഇതു ജന്മജന്മാന്തരബന്ധമല്ലേ (മോഹക്കുരുവിയ്ക്ക് ) പൂർവ്വജന്മങ്ങളിൽ നാം ചെയ്ത പുണ്യങ്ങൾ നവരൂപഭാവങ്ങൾ ഏന്തി നീയും ഞാനുമായ് സംഗമിച്ചൊഴുകുന്ന ജനിമൃതി നദികളിലൂടെ ജനിമൃതി നദികളിലൂടെ (മോഹക്കുരുവിയ്ക്ക് )" - 'രാഗതരംഗിണി' എന്ന മലയാള ആൽബത്തിലെ മനോഹരമായ ഒരു ഗാനമാണ്. കെ ജെ യേശുദാസാണ് ഈ ഗാനം ആലപിച്ചത്. വിദ്യാധരനാണ് സംഗീത സംവിധാനം നിർവഹിച്ചത്. ഈ ഗാനത്തിന്റെ വരികൾ എഴുതിയത് യൂസഫ് അലി കേച്ചേരിയാണ്.