കട്ടപ്പനയിലെ ഋത്വിക് റോഷൻ എന്ന ചിത്രത്തിലെ ഗാനമാണിത്. നാദിർഷ സംവിധാനം ചെയ്ത ഒരു ഇന്ത്യൻ മലയാള ഭാഷയിലുള്ള റൊമാന്റിക്-കോമഡി നാടക ചിത്രമാണ്. മിന്നാമിന്നിക്കും കാലം എന്ന് തുടങ്ങുന്ന ഈ ഗാനം ആലപിച്ചത് ശങ്കർ മഹാദേവനാണ്. ബിജിപാലിന്റെ പശ്ചാത്തലസംഗീതവും നാദിർഷയുടെ ഗാനങ്ങളും മികവുറ്റതാണ്. ആരെയും രസിപ്പിക്കാൻ പോന്ന എല്ലാ ഘടകങ്ങളെയും അതിന്റെ നിഷ്കളങ്കതയും യഥാതഥതയും കൈവിടാതെ ഫ്രെമിയിമുകളിലേക്കു പകർത്തിയിരിക്കുകയാണ് നാദിർഷ. ജയന്റെ അകാലവിയോഗത്തിൽ മലയാള സിനിമയ്ക്കുണ്ടായ നഷ്ടം നികത്താൻ ജൂനിയർ ജയനായി കോടമ്പാക്കത്തിനു വണ്ടി കയറിയ ആളാണ് കട്ട ജയൻ ആരാധകനായ സുരേന്ദ്രൻ. കുറെക്കാലം അലഞ്ഞുതിരിഞ്ഞ ശേഷം ഒന്നുമാകാതെ തിരിച്ചു കട്ടപ്പനയിലെത്തുന്ന സുരേന്ദ്രൻ നാട്ടുകാരുടെ പരിഹാസവസ്തുവായി മാറി. തന്റെ മകനെ വലിയ സിനിമാക്കാരനാക്കണമെന്ന അടങ്ങാത്ത വാശിയാണ് ഈ പരിഹാസം സുരേന്ദ്രനിലുണ്ടാക്കിയത്. നാട്ടിൻപുറത്തെ രസകരമായ നർമരംഗങ്ങളും പ്രണയവും ഓർത്തെടുത്തു ചിരിക്കാവുന്ന തമാശകളും ചേർന്ന ഈ ഗാനം, മടുപ്പൊട്ടും തോന്നാതെ ഉള്ളുതുറന്നു ചിരിക്കാൻ പോന്നതാണ്.