"മിണ്ടാതെടി കുയിലേ കണ്ണനുണ്ണിയുറങ്ങണ നേരത്ത്" എന്ന ഗാനം 2005 ൽ റിലീസ് ചെയ്ത "തന്മാത്ര" എന്ന സിനിമയിലേതാണ്. എഴുതിയത് കൈതപ്രം ദാമോദരൻ നമ്പൂതിരി. മോഹൻ സിതാരയാണ് സംഗീതം നൽകിയത്. പാടിയത് സുജാത. വികാരനിർഭരമായ ഒരു ഗാനരംഗമാണിത്. സെക്രട്ടേറിയറ്റിൽ ജോലി ചെയ്യുന്ന നായകൻ (മോഹൻലാൽ) അൽഷിമേഴ്സ് രോഗബാധിതനാകുന്നു. ബഹുമുഖപ്രതിഭയായ അയാളുടെ ഈ അവസ്ഥ കുടുംബത്തിലുണ്ടാക്കുന്ന പ്രത്യാഘാതമാണ് ഈ ഗാനരംഗത്ത്. സുജാതയുടെ വശ്യമനോഹരമായ ആലാപന ശൈലി ഈ പാട്ടിനേയും, ഗാനരംഗത്തേയും മികവുറ്റതാക്കുന്നു.