മുദ്രമോതിരം എന്ന ചിത്രത്തിലെ ഒരു മലയാളം ഗാനമാണ് മഴമുകിൽ ചിത്രവേള. 1978-ൽ പുറത്തിറങ്ങിയ ഇ.കെ. ത്യാഗരാജൻ നിർമ്മിച്ച് ജെ. ശശികുമാർ സംവിധാനം ചെയ്ത ഒരു മലയാളചലച്ചിത്രമാണ് മുദ്രമോതിരം. പ്രേം നസീർ, ജയഭാരതി, ജഗതി ശ്രീകുമാർ, ശങ്കരാടി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ജി.ദേവരാജനാണ് ചിത്രത്തിന്റെ ശബ്ദരേഖ ഒരുക്കിയത്. ശ്രീകുണാരൻ തമ്പിയാണ് ഗാനത്തിന്റെ വരികൾ എഴുതിയത്. മലയാള സിനിമയിൽ ഗാനരചയിതാവ്, സംഗീത സംവിധായകൻ, സംവിധായകൻ, നിർമ്മാതാവ്, തിരക്കഥാകൃത്ത് എന്നീ നിലകളിൽ പ്രശസ്തനാണ് ശ്രീകുമാരൻ തമ്പി. വള്ളത്തോൾ പുരസ്കാരം ലഭിച്ച കവി കൂടിയാണ് അദ്ദേഹം. ഗാനം ആലപിച്ചത് കാട്ടാശ്ശേരി ജോസഫ് യേശുദാസാണ്. ഒരു ഇന്ത്യൻ പിന്നണി ഗായകനും സംഗീതജ്ഞനുമായ അദ്ദേഹം ഇന്ത്യൻ ക്ലാസിക്കൽ, ഭക്തിഗാനങ്ങൾ, ചലച്ചിത്ര ഗാനങ്ങൾ ആലപിക്കുന്നതിൽ വൈദഗ്ദ്ധ്യം നേടിയിട്ടുണ്ട്. വിവിധ ഇന്ത്യൻ ഭാഷകളിലായി ഏകദേശം 50,000 ഗാനങ്ങൾ യേശുദാസ് റെക്കോഡ് ചെയ്തിട്ടുണ്ട്.