ഓണസദ്യ പോലെ മലയാളിയ്ക്ക് ഒഴിച്ചുകൂടാഞ്ഞാവാത്തതാണ് 'മാവേലി നാടു വാണീടും കാലം' എന്ന ഓണപ്പാട്ടും. ഈ ഗാനത്തിന്റെ രചയിതാവ് ആരെന്ന കാര്യത്തിൽ ഇപ്പോഴും തർക്കം തുടരുന്നുണ്ടെങ്കിലും ശ്രീനാരായണ ഗുരുവിന്റെ ശിഷ്യനുമായ സഹോദരൻ അയ്യപ്പനാണ് ഈ പാട്ട് എഴുതിയത് എന്നാണ് കൂടുതൽപ്പേരും വിശ്വസിക്കുന്നത്. മാവേലി കേരളം ഭരിക്കുമ്പോൾ ഉണ്ടായിരുന്ന സമ്പൽസമൃദ്ധിയെപ്പറ്റിയാണ് പാട്ടിൽ പറയുന്നത്. ദാരിദ്രമോ പട്ടിണിയോ ഇല്ലാത്ത, എല്ലാവരും ഒരുമയോടും സന്തോഷത്തോടും കൂടെ കഴിഞ്ഞിരുന്ന നാളുകളെപ്പറ്റി ഗാനം വിവരിക്കുന്നു.