1989-ൽ പുറത്തിറങ്ങിയ 'സ്വാഗതം' എന്ന മലയാള സിനിമയുടേതാണ് മഞ്ഞിൻ ചിറകുള്ള വെള്ളരിപ്രാവേ എന്ന ഈ ഗാനം. വേണു നാഗവള്ളി സംവിധാനം ചെയ്ത ഈ ചിത്രം നിർമ്മിച്ചത് ആനന്ദാണ്. ജി വേണുഗോപാൽ, എം ജി ശ്രീകുമാർ, മിൻമിനി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. ബിച്ചു തിരുമലയുടെ വരികൾക്ക് രാജാമണിയാണ് ഈണം പകർന്നിരിക്കുന്നത്. ജയറാം, പാർവതി, ഉർവ്വശി, അശോകൻ, ജഗദിഷ്, നെടുമുടി വേണു എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്. രാജാമണിയുടെ പശ്ചാത്തലസംഗീതത്തിലൂടെയാണ് ചിത്രം അറിയപ്പെട്ടത്.