"ജി ജയകുമാറിന്റെ തിരക്കഥയിൽ ശ്യാമപ്രസാദ് സംവിധാനം ചെയ്ത 1998ൽ പുറത്തിറങ്ങിയ കല്ലു കൊണ്ടൊരു പെണ്ണ് എന്ന ചിത്രത്തിലെ ഗാനമാണ് ""മണിമാരൻ പോരും രാവാണു ഈ, മലർക്കുടങ്ങളിൽ തേനാണ്, മിഴിക്കോണിൽ പീലിച്ചേലാണ്, ഒരു മദനപ്പൂങ്കാവാണ്, മാരനെയോർക്കും നേരം, കോരിത്തരിക്കും പെണ്ണേ"". ഒ എൻ വി കുറുപ്പിന്റെ വരികൾക്ക് സംഗീതസംവിധാനം ചെയ്തത് ഇളയരാജയാണ്. മനോഹരമായ ഈ ഗാനം ആലപിച്ചിരിക്കുന്നത് മനോയാണ്. ഭാവചിത്രയുടെ ബാനറിൽ ജി ജയകുമാറാണ് ചിത്രം നിർമിച്ചത്. സുരേഷ് ഗോപി, ദിലീപ്, വിജയശാന്തി, ചിത്ര, മുരളി, മണിയൻപിള്ള രാജു, കീർത്തന, ചാന്ദ്നി, രാജൻ പി ദേവ്, ഹരിശ്രീ അശോകൻ, കെ പി ഉമ്മർ തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. പി സുകുമാർ, സാലു ജോർജ്ജ്, കെ രാമചന്ദ്രബാബു, സി എച്ച് സരോജ് പാഡി എന്നിവരാണ് ചിത്രത്തിന്റെ ഛായാഗ്രഹണം നിർവഹിച്ചത്. ചിത്രസംയോജനം ബി ലെനിൻ, വി ടി വിജയൻ എന്നിവർ. കേണുമയങ്ങിയൊരെൻ പൈതലേ, തിത്താരം തെയ്യാരം പാടി, അരുതേ അരുതേ തീമാരി, കല്ലു കൊണ്ടൊരു പെണ്ണ് പാറ,ജനിച്ചെന്ന പാപം എന്നിവയാണ് ഈ ചിത്രത്തിലെ മറ്റു ഗാനങ്ങൾ."