ഒമർ ലുലു കഥയും സാരംഗ് ജയപ്രകാശ്,ലിജോ പനാടൻ എന്നിവർ തിരക്കഥയും എഴുതി ഒമർ ലുലു സംവിധാനം ചെയ്ത " ഒരു അടാർ ലവ് " എന്ന സിനിമയിലെ ഗാനമാണ് " മാണിക്യ മലരായ പൂവീ മഹതിയാം ഖദീജബീവി മക്കയെന്ന പുണ്യനാട്ടിൽ വിലസിടും നാരി " എന്നുള്ളത്. പി.എം. എ. ജബ്ബാറിന്റെ വരികൾക്ക് ഈണം നൽകിയിരിക്കുന്നത് തലശ്ശേരി കെ.റഫീഖാണ്. വിനീത് ശ്രീനിവാസനാണ് ഈ ഗാനം ആലപിച്ചിരിക്കുന്നത്. 2019 ൽ പുറത്തിറങ്ങിയ ചിത്രത്തിൽ അഭിനയിച്ചിരിക്കുന്നത് നൂറിൻ ഷെരിഫ്, മുഹമ്മദ് റോഷൻ, പ്രിയ പ്രകാശ് വാരിയർ തുടങ്ങിയവരാണ്. 3 മിനിറ്റ് 17 സെക്കന്റാണ് ഗാനത്തിന്റെ ദൈർഘ്യം.