കുഞ്ചാക്കോ സംവിധാനം ചെയ്ത് 1976-ൽ പുറത്തിറങ്ങിയ മലയാളചലച്ചിത്രമാണ് “മല്ലനും മാതേവനും”. പ്രേം നസീർ, കെ പി ഉമ്മർ, ഷീല, അടൂർ ഭാസി, ജയൻ, തിക്കുറിശ്ശി സുകുമാരൻ നായർ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. കെ. രാഘവനും കുമരകം രാജപ്പനും ചേർന്നാണ് ചിത്രത്തിന് സംഗീതം നൽകിയിരിക്കുന്നത്. ശാരംഗപാണിയാണ് തിരക്കഥ നിർവഹിച്ചിരിക്കുന്നത്. യു.രാജഗോപാൽ ചിത്രത്തിന് ഛായാഗ്രഹണം നിർവഹിച്ചു. എക്സൽ പ്രൊഡക്ഷൻസ് ആയിരുന്നു ചിത്രത്തിന്റെ വിതരണ കമ്പനി. 1976 സെപ്തംബർ 3-നാണ് ചിത്രം റിലീസ് ചെയ്തത്.