"മധുരം ജീവാമൃത ബിന്ദു ഹൃദയം പാടും ലയ സിന്ധു"എന്ന ഗാനം 1993 ൽ പുറത്തിറങ്ങിയ "ചെങ്കോൽ"എന്ന ചിത്രത്തിലേതാണ്. കൈതപ്രത്തിന്റെ വരികൾക്ക് ജോൺസന്റെ സംഗീതത്തിൽ ആണ് ഈ ഗാനം പുറത്തിറങ്ങിയത്. ഡോ.കെ.ജെ.യേശുദാസ് ഈ ഗാനം മനോഹരമായി ആലപിച്ചു. പീലു എന്ന രാഗത്തിൽ ആണ് ഈ ഗാനം ചിട്ടപ്പെടുത്തിയത്. എ.കെ.ലോഹിതദാസ് ആണ് ഈ ചിത്രത്തിന് കഥ,തിരക്കഥ,സംഭാഷണം എന്നിവ നിർവഹിച്ചത്. കൃപ ഫിലിംസിന്റെ ബാനറിൽ എൻ കൃഷ്ണകുമാർ ഈ ചിത്രം നിർമ്മിച്ചു. സിബി മലയിൽ ആണ് ഈ ചിത്രം സംവിധാനം ചെയ്തത്.