എ. ബി. രാജ് സംവിധാനം ചെയ്ത് ടി ഇ വാസുദേവൻ നിർമ്മിച്ച് 1970-ൽ പുറത്തിറങ്ങിയ മലയാളചലച്ചിത്രമാണ് "ലോട്ടറി ടിക്കറ്റ്". പ്രേം നസീർ, ഷീല, അടൂർ ഭാസി, ജോസ് പ്രകാശ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. വി. ദക്ഷിണാമൂർത്തിയാണ് ചിത്രത്തിന് സംഗീതം നൽകിയത്. കെ.ജെ.യേശുദാസ്, പി. ലീലയും അടൂർ ഭാസിയും ചേർന്നാണ് ചിത്രത്തിലെ ഗാനങ്ങൾ ആലപിച്ചിരിക്കുന്നത്. ജയ മാരുതി ആയിരുന്നു ചിത്രത്തിന്റെ വിതരണ കമ്പനി. 1970 നവംബർ 28നാണ് ചിത്രം പുറത്ത് ഇറങ്ങിയത്.