1978 ൽ പുറത്തിറങ്ങിയ "മണ്ണ്"എന്ന ചിത്രത്തിലെ ഒരു ഗാനമാണ് "കുന്നിൻ മേലൊരു ചൂട്ടു മിന്നുന്നേ കുഞ്ഞിന്റച്ഛൻ വരുന്നുണ്ടേ". ഡോ.പവിത്രന്റെ വരികൾക്ക് എ.ടി.ഉമ്മറിന്റെ സംഗീതം. യമുനകല്യാണി രാഗത്തിൽ പുറത്തിറങ്ങിയ ഈ ഗാനം ആലപിച്ചിരിക്കുന്നത് പി.സുശീലയാണ്. ഈ ചിത്രത്തിന് കഥ,തിരക്കഥ,സംഭാഷണം എന്നിവ രചിച്ചിരിക്കുന്നത് ഡോ.പവിത്രൻ ആണ്. കെ.ജി.ജോർജ്‌ജാണ് ഈ ചിത്രം സംവിധാനം ചെയ്തിരിക്കുന്നത്. ശ്രീമതി സൗഭാഗ്യം,എ.പി.എം.പപ്പൻകുട്ടി എന്നിവർ ഈ ചിത്രം നിർമ്മിച്ചു.