വളരെ നല്ലൊരു സന്ദേശം കുട്ടികള്‍ക്ക് വളരെ ലളിതമായി പറഞ്ഞ് കൊടുക്കുന്ന ഒരു കുട്ടിക്കവിതയാണ് കുഞ്ഞാറ്റക്കിളി. ഇന്നു ചെയ്യേണ്ട കാര്യങ്ങൽ നാളേയ്ക്കു മാറ്റി വയ്ക്കരുത് എന്ന നല്ലൊരു ഗുണപാഠം ആണ് കവിത നൽകുന്നത്. കവിതയിലെ ഗുണപാഠം എല്ലാ കൊച്ചുകൂട്ടുകാരും ജീവിതത്തില്‍ പ്രായോഗികമാക്കേണ്ടതാണ്. ഈ കവിതയിലെ കുഞ്ഞാറ്റക്കിളി ചെയ്തത് പോലെ ഇന്ന് ചെയ്യാം നാളെ ചെയ്യാം എന്ന് മനോരഥം കണ്ട് നടന്നിട്ട് കാര്യമില്ല. ഇപ്പോള്‍ ചെയ്യേണ്ട ഒരു ഉദ്യമം, അത് അപ്പോള്‍ തന്നെ ചെയ്യണം. ഉറങ്ങിക്കിടക്കുന്ന സിംഹത്തിന്റെ അടുത്തേക്ക് അതിന്റെ ഇര നടന്ന് ചെല്ലുകയില്ല. സിംഹത്തിന് ഇരയെ വേണമെങ്കില്‍ സിംഹം ഇരതേടിപ്പോകുകതന്നെ ചെയ്യണം. അത് പോലെ മടിപിടിച്ചിരിക്കാതെ, ചുമ്മാ സ്വപ്നംകണ്ടിരിക്കാതെ, ചെയ്യേണ്ട കാര്യങ്ങള്‍ ചെയ്യേണ്ടസമയത്ത് ചെയ്യേണ്ടപോലെ ചെയ്താല്‍ നമുക്ക് ജീവിതത്തില്‍ യാതൊരുവിധ ബുദ്ധിമുട്ടുകളും ഉണ്ടാവില്ല. അത് തന്നെയാണ് ഈ കവിതയിലൂടെ കൂട്ടുകാര്‍ക്ക് ലഭിക്കുന്ന ഒരു നല്ല സന്ദേശം. ദാർശനികമായ ഈ ചെറുകവിത കുട്ടികൾക്കും മുതിർന്നവർക്കും ഒരേ പോലെ പ്രാവർത്തികമാക്കാൻ ഉതകുന്നതാണ്.