അച്ചനും ബാപ്പയും എന്ന ചിത്രത്തിന് വേണ്ടി കെ.ജെ.യേശുദാസ് ആലപിച്ചതാണ്"കുളിക്കുമ്പോളൊളിച്ചു ഞാൻ കണ്ടു" എന്ന ഗാനം. വരികൾ എഴുതിയത് വയലാർ രാമവർമ്മയും സംഗീതം നൽകിയത് ജി ദേവരാജനും ആണ്. കെ.എസ്. സേതുമാധവൻ സംവിധാനം ചെയ്ത് കെ.ടി.മുഹമ്മദിന്റെ രചനയിൽ 1972-ൽ പുറത്തിറങ്ങിയ മലയാളചലച്ചിത്രമാണിത്. കെ പി ഉമ്മർ, ജയഭാരതി, കൊട്ടാരക്കര ശ്രീധരൻ നായർ, അടൂർ ഭാസി, ബേബി സുമതി എന്നിവർ പ്രധാന വേഷങ്ങളിൽ അഭിനയിക്കുന്നു. ദേശീയോദ്ഗ്രഥനത്തെക്കുറിച്ചുള്ള മികച്ച ഫീച്ചർ ചിത്രത്തിനുള്ള നർഗീസ് ദത്ത് അവാർഡ് ലഭിച്ചു. ഈ ചിത്രത്തിലെ"മനുഷ്യൻ മതങ്ങളെ" എന്ന ഗാനത്തിന് കെ.ജെ. യേശുദാസ് മികച്ച പിന്നണി ഗായകനുള്ള ദേശീയ ചലച്ചിത്ര പുരസ്കാരം നേടിയപ്പോൾ വയലാർ രാമവർമയ്ക്ക് മികച്ച ഗാനരചനയ്ക്കുള്ള ദേശീയ ചലച്ചിത്ര പുരസ്കാരം ലഭിച്ചു.