ഹരിഹരൻ കഥയും തിരക്കഥയും എഴുതി സംവിധാനം ചെയ്ത " സർഗ്ഗം " എന്ന സിനിമയിലെ ഗാനമാണ് " കൃഷ്‌ണകൃപാസാഗരം ഗുരുവായു‍പുരം ജനിമോക്ഷകരം മുനിജനവന്ദിത മുരഹരബാലം മുരളീലോലം മുകുരകപോലം അനന്തശയാനം " എന്നുള്ളത്. യൂസഫലി കേച്ചേരിയുടെ വരികൾക്ക് ഈണം നൽകിയിരിക്കുന്നത് ബോംബെ രവി ആണ്. ഗാനഗന്ധർവ്വൻ കെ. ജെ യേശുദാസാണ് ഈ മനോഹര ഗാനം പാടിയിരിക്കുന്നത്. 1992 ൽ പുറത്തിറങ്ങിയ ചിത്രത്തിലെ പ്രധാനകഥാപാത്രങ്ങളെ അവതരിപ്പിച്ചിരിക്കുന്നത് വിനീത്, രംഭ, ഒടുവിൽ ഉണ്ണികൃഷ്ണൻ, മനോജ്‌. കെ. ജയൻ തുടങ്ങിയവരാണ്.