"""ബനാറസ്"" എന്ന ചലച്ചിത്രത്തിലെ ഗാനമാണ് ""കൂവരം കിളി പൈതലേ കുണുക്കു ചെമ്പകത്തേൻ തരാം കുന്നോളം കൂമ്പാളേൽ മഞ്ഞളരച്ചു തരാം ആമ്പലക്കുളിരമ്പിളീ കുടനിവർത്തണതാരെടീ മുത്താരം കുന്നുമ്മേൽ മാമഴമുത്തണെടീ"" എന്ന ഈ ഗാനം. ഗിരീഷ് പുത്തഞ്ചേരി എഴുതി, എം ജയചന്ദ്രൻ സംഗീതം നൽകി, വിജയ് യേശുദാസ്, ശ്വേത മോഹൻ എന്നിവർ ആലപിച്ച ഗാനം. രാഗം - ശുദ്ധസാവേരി. നേമം പുഷ്പരാജിന്റെ സംവിധാനത്തിൽ വിനീത്, ദേവൻ, കാവ്യ മാധവൻ, നവ്യ നായർ എന്നിവർ പ്രധാനവേഷങ്ങളിൽ അഭിനയിച്ച് 2009-ൽ പുറത്തിറങ്ങിയ, നൃത്തത്തിനും സംഗീതത്തിനും പ്രാധാന്യമുള്ള, ഒരു മലയാളചലച്ചിത്രമാണ് ബനാറസ്. കാശി ഫിലിംസിന്റെ ബാനറിൽ എം.ആർ. നായർ നിർമ്മാണം ചെയ്ത ഈ ചിത്രം അരോമ റിലീസ് വിതരണം ചെയ്തിരിക്കുന്നു. എം.ആർ. നായർ ആണ് ഈ ചിത്രത്തിന്റെ കഥാകാരൻ. തിരക്കഥ, സംഭാഷണം എന്നിവയെല്ലാം നിർവ്വഹിച്ചത് ചെറിയാൻ കൽ‌പകവാടി ആണ്. ഗിരീഷ് പുത്തഞ്ചേരി, പിറപ്പൻ‌കോട് മുരളി എന്നിവർ എഴുതിയ ഗാനങ്ങൾക്ക് സംഗീതം പകർന്നത് എം. ജയചന്ദ്രൻ ആണ്. പശ്ചാത്തലസംഗീതം ചെയ്തിരിക്കുന്നത് ഔസേപ്പച്ചൻ. ."