"ഫാസിൽ രചിച്ച് സംവിധാനം ചെയ്ത 1981ൽ പുറത്തിറങ്ങിയ ധന്യ എന്ന ചിത്രത്തിലെ ഗാനമാണ് ""കൊഞ്ചും ചിലങ്കേ പൊന്നിൻ ചിലങ്കേ, ഉതിർന്നൂ മന്മഥ ഗാനം വിടർന്നൂ മാനസ സൂനം സഖീ വാ, സഖി വാ, കുളിർകൊണ്ടുവാ കൊണ്ടുവാ കൊണ്ടു വാ"". യൂസഫലി കേച്ചേരിയുടെ വരികൾക്ക് സംഗീതസംവിധാനം ചെയ്തത് ജെറി അമൽദേവാണ്. മനോഹരമായ ഈ ഗാനം ആലപിച്ചിരിക്കുന്നത് ഗാനഗന്ധർവൻ കെ ജെ യേശുദാസ്, വാണി ജയറാം എന്നിവർ ചേർന്നാണ്. എക്സൽ പ്രൊഡക്ഷൻസ്സിന്റെ ബാനറിൽ ബോബൻ കുഞ്ചാക്കോയാണ് ഈ ചിത്രം നിർമിച്ചത്.ശ്രീവിദ്യ, ശരത്ബാബു, മീന മേനോൻ, മോഹൻലാൽ, കുഞ്ചാക്കോ ബോബൻ, ജഗതി ശ്രീകുമാർ, നെടുമുടി വേണു തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. എ യു രാജഗോപാലാണ് ഛായാഗ്രഹണം നിർവഹിച്ചത്. ചിത്രസംയോജനം ടി ആർ ശേഖർ. നൂപുരമേതോ കഥ പറഞ്ഞു, ധന്യേ നീയെൻ, മധുരമധുരമെൻ, പൊന്‍‌കുടങ്ങളില്‍ എന്നിവയാണ് ഈ ചിത്രത്തിലെ മറ്റു ഗാനങ്ങൾ."