"എ.കെ. ലോഹിതദാസ് കഥയും തിരക്കഥയും എഴുതി സംവിധാനം ചെയ്ത 'നിവേദ്യം' എന്ന സിനിമയിലെ ഗാനമാണ് "" കോലക്കുഴൽ വിളി കേട്ടോ രാധേ എൻ രാധേ, കണ്ണനെന്നെ വിളിച്ചോ രാവിൽ ഈ രാവിൽ "" എന്നുള്ളത്. എ. കെ ലോഹിതദാസിന്റെ വരികൾക്ക് ഈണം നൽകിയിരിക്കുന്നത് എം. ജയചന്ദ്രനാണ്. ശ്വേതാ മോഹൻ, വിജയ് യേശുദാസ് എന്നിവരാണ് ഈ മനോഹര ഗാനം പാടിയിരിക്കുന്നത്. 2007 ലെ മികച്ച സംഗീത സംവിധായകനുള്ള സംസ്ഥാന പുരസ്‌കാരം ഈ ഗാനത്തിലൂടെ എം. ജയചന്ദ്രൻ കരസ്ഥമാക്കി. ഭാമ, വിനു മോഹൻ, ഭരത് ഗോപി, നെടുമുടി വേണു തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. കൃഷ്ണനും രാധയും തമ്മിലുള്ള സംഭാഷണരൂപേണെയാണ് ഈ ഗാനം അവതരിപ്പിച്ചിരിക്കുന്നത്. പ്രണയമാണ് ഗാനത്തിന്റെ ഭാവം."