കോടക്കാറ്റേ തരുമോ കൊഞ്ചം കൊഞ്ചം കുളിർ എന്ന് തുടങ്ങുന്ന ഗാനം ജോസ് തോമസ് രചനയും സംവിധാനവും നിർവഹിച്ച ഇഷ എന്ന ഹൊറർ ചിത്രത്തിലെ മെലഡി ഗാനമാണ്. ഹൃദയസ്പർശിയായ ഈ ഗാനം ആലപിച്ചിരിക്കുന്നത് മലയാളികളുടെ പ്രിയ ഗായിക അഖില ആനന്ദാണ്. ജോനാഥൻ ബ്രൂസ് ഈണമിട്ടിരിക്കുന്ന ഈ ജോസ് തോമസ് ചിത്രത്തിലെ ഗാനങ്ങൾ പതിവ് ശൈലിയിൽ നിന്ന് തികച്ചും വ്യത്യസ്തമായ പ്രമേയവും അവതരണവുമായി എത്തിയിരിക്കുന്നു. ജോഫി തരകനാണ് ഗാനങ്ങളുടെ വരികൾ ഒരുക്കിയിരിക്കുന്നത്. കിഷോർ സത്യ, അഭിഷേക് വിനോദ്, മാർഗരറ്റ് ആന്റണി, ബേബി അവനി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. സുകുമാർ എംടിയാണ് ചിത്രത്തിലെ ക്യാമറ കൈകാര്യം ചെയ്യുന്നത്. വിഷ്വൽ ഡ്രീംസിന്റെ ബാനറിലാണ് ചിത്രം നിർമ്മിച്ചിരിക്കുന്നത്. ചിത്രത്തിന്റെ ടൈറ്റിൽ പോസ്റ്ററിനും ടീസറിനും മികച്ച പ്രതികരണമാണ് സോഷ്യൽ മീഡിയയിൽ ലഭിച്ചത്. നിങ്ങളെ വിറളിപിടിപ്പിക്കുന്ന ഒരു ഹൊറർ ചിത്രമാണ് ഇഷ. ഒരു പെൺകുട്ടിയെ ചുറ്റിപ്പറ്റിയാണ് ഇത്.