"മുടിയനായ പുത്രൻ" എന്ന നാടകത്തിലെ ഗാനമാണ് "എന്തമ്മേ കൊച്ചുതുമ്പീ തുള്ളാതിരിക്കണ് എന്തോന്നു വേണോങ്കിലും കൊണ്ടന്നു തന്നിടാമേ പുത്തരീം അവിലുമുണ്ട് കുച്ചരീം തവിടുമുണ്ട് ചുട്ട കെഴങ്ങുമുണ്ട് അച്ചിങ്ങാക്കറിയുമുണ്ട്" എന്ന ഈ ഗാനം. ഒ എൻ വി കുറുപ്പ് എഴുതി , ജി ദേവരാജൻ സംഗീതം നൽകി, കെ എസ് ജോർജ്, കെ സുലോചന എന്നിവർ ആലപിച്ച ഗാനം. തോപ്പിൽ ഭാസി രചിച്ച നാടകമാണ് മുടിയനായ പുത്രൻ. 1959-ൽ നാടകരചനയ്ക്കുള്ള കേരള സാഹിത്യ അക്കാദമി പുരസ്കാരം ഈ കൃതി നേടിയിട്ടുണ്ട്. ഈ നാടകം ഇതേ പേരിൽ ഒരു ചലച്ചിത്രമാക്കപ്പെട്ടിട്ടുണ്ട്. ഇതിന്റെ തിരക്കഥയും സംഭാഷണവുമെഴുതിയതും തോപ്പിൽ ഭാസിയായിരുന്നു.