"ഭഗവതിപിക്ചേർസിനു വേണ്ടി ജെ. ശശികുമാർ കഥയെഴുതി സംവിധാനം ചെയ്ത് 1965 -ൽ പുറത്തിറങ്ങിയ തൊമ്മന്റെ മക്കൾ എന്ന ചലച്ചിത്രത്തിലെ ഗാനമാണ് ""കൊച്ചീക്കാരത്തി കൊച്ചു പെണ്ണേ- നിന്റെ കൊച്ചു പൊതിക്കെട്ടിലെന്താണ്‌ വയനാടൻ പുഴയിലെ മീനാണോ വലവീശിക്കിട്ടിയ മുത്താണോ കൊച്ചീക്കാരത്തി കൊച്ചു പെണ്ണേ"" വയലാർ രാമവർമ്മ ഗാനരചനയും എം. എസ്. ബാബുരാജ് സംഗീതവും നിർവഹിച്ച ഈ ഗാനം ആലപിച്ചിരിക്കുന്നത് പി. ബി. ശ്രീനിവാസും കെ. പി. ഉദയഭാനും ചേർന്നാണ്. കൊട്ടാരക്കര ശ്രീധരൻ നായർ, കവിയൂർ പൊന്നമ്മ, സത്യൻ , മധു, അംബിക, ഷീല, അടൂർ ഭാസി എന്നിവർ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു."