വാപ്പയും ഉമ്മയും നഷ്ടപ്പെട്ട ഒരു കുഞ്ഞുമോളുടെ സങ്കടം ആണ് ഈ പാട്ടിലൂടെ നമുക്ക് അറിയാൻ സാധിക്കുന്നത്. അവളൊരു പക്ഷിയോടു ചോദിക്കുകയാണ് പുലർകാലത്ത് പള്ളി മിനാരത്തിൽ ചുറ്റും പറക്കുന്ന നിനക്ക് ആകാശത്തിനപ്പുറത്തെ കാഴ്ചകൾ കാണാൻ സാധിക്കുന്നുണ്ടോ? അവിടെ സ്വർഗ്ഗം ലോകത്ത് നടക്കുന്നത് വല്ലതും നിനക്ക് അറിയാൻ സാധിക്കുന്നുണ്ടോ? അമ്പിയാ മുർസലുകളുടെ കൊട്ടാരത്തിൽ അല്ലെങ്കിൽ നമ്മുടെ മുത്തുനബിയുടെ അനുയായികൾ ഉല്ലസിക്കുന്ന പൂന്തോട്ടത്തിൽ ഈ കുഞ്ഞുമോളുടെ ബാപ്പ യോ ഉമ്മയോ ഇരിക്കുന്നുണ്ടോ എന്നാണ് പെൺക്കുട്ടി കിളിയോട് ചോദിക്കുന്നത്. ഞാൻ മൺ ചിരട്ടയിൽ ചോറ് വെച്ച് കളിക്കുന്നതും, കൂട്ടുകാരോടൊപ്പം കണ്ണുപൊത്തി കളിക്കുന്നതും അവർ കാണുന്നുണ്ടോ. എൻറെ ഇത്താത്തയും പള്ളിയിലെ ഉസ്താദും പറഞ്ഞു അവർ സ്വർഗ്ഗത്തിൽ നിന്ന് കാണുന്നുണ്ട് എന്ന് .സ്വർഗ്ഗത്തെ മഹത്തായ പൂന്തോട്ടമെന്നാണ് ഖുർആൻ വിശേഷിപ്പിക്കുന്നത്. ജന്ന എന്നത് സ്വർഗമാണ്. അവിടെയാണ് നീതിമാൻമാർ പോകുന്നത്. "സന്തോഷത്തിന്റെ പൂന്തോട്ടം" എന്നാണ് ഖുർആൻ അതിനെ വിശേഷിപ്പിക്കുന്നത്. വിശുദ്ധ ജീവിതം നയിക്കുക, അല്ലാഹുവിന്റെ പാപമോചനം തേടുക, സൽകർമ്മങ്ങൾ ചെയ്യുക എന്നിവ സ്വർഗത്തിലേക്ക് നയിക്കുമെന്ന് മുസ്ലീങ്ങൾ വിശ്വസിക്കുന്നു. എവിടെയാണ് ആ സ്വർഗ്ഗം എന്നും എനിക്കും ആ സ്വർഗ്ഗം കാട്ടിത്തരണേ എന്നും ആ പെൺക്കുട്ടി ദൈവത്തോട് പ്രാർത്ഥിക്കുകയാണ്.