"കേരളത്തിലെ വനങ്ങൾ കേരളത്തിന്റെ മൊത്തം വിസ്തീർണത്തിന്റെ 29 .1 ശതമാനം വനമേഖലയാണ്. 1887 ൽ തിരുവിതാംകൂർ മഹാരാജാവ് വനനിയമം പാസാക്കി. 1894 -ൽ വനനിയമം പരിഷ്കരിക്കുകയും വനത്തെ ഡിവിഷനുകളായി തിരിച്ചു കൂടുതൽ വനപ്രദേശങ്ങൾ റിസർവ് വനങ്ങളാക്കി മാറ്റുകയും ചെയ്തു. . കേരളത്തിലെ വനങ്ങളുടെ ഏകദേശം നാലിൽ ഒന്ന് നിത്യഹരിതവനങ്ങളാണ്. തീരപ്രദേശങ്ങളോട് ചേർന്ന് കാണുന്ന കണ്ടൽ വനങ്ങൾ മുതൽ പശ്ചിമഘട്ടത്തിന്റെ ചോല വനങ്ങൾ വരെ ഉൾപ്പെടുന്നതാണ് കേരളത്തിന്റെ വനസമ്പത്തു. ഇടതൂർന്ന നിത്യഹരിതവനങ്ങൾ ഭൂമിക്കു മുകളിൽ ഒരു ആവരണം പോലെ നിലകൊള്ളുന്നതിനാൽ വേനൽക്കാലത്തു ബാഷ്പീകരണത്തിന്റെ തോത് കുറയ്ക്കുകയും മണ്ണിലെ ഈർപ്പത്തെ നിലനിർത്തുകയും ചെയ്യുന്നു. ധാരാളം ഔഷധ സസ്യങ്ങളും നിത്യഹരിതവനങ്ങളിൽ ലഭ്യമാണ്."