'ദിവ്യം' എന്ന ഭക്തിഗാന ആൽബത്തിലെ ഏറെ ശ്രദ്ധിക്കപ്പെട്ട ഗാനങ്ങളിലൊന്നാണ് "കായാമ്പൂവർണ്ണൻ കാളിയമർദ്ദനൻ ഗോകുലബാലൻ ദ്വാരകാനാഥൻ" എന്ന ഗാനം. അനുഗ്രഹീത ഗായിക ശ്വേതാ മോഹൻ ആണ് ഈ മനോഹരമായ ഗാനം ആലപിച്ചിരിക്കുന്നത്. ഗാനത്തിന്റെ വരികൾ എഴുതിയിരിക്കുന്നത് ലീലാ നാരായണസ്വാമിയും സംഗീതം സംവിധാനം നിർവഹിച്ചിരിക്കുന്നത് മുരളി രാമനാഥനുമാണ്. ഗുരുവായൂർ വാഴുന്ന ശ്രീ കൃഷ്ണനെ വാഴ്ത്തിപ്പാടുന്നതാണ് ഈ ഗാനം. ശ്രീകൃഷ്ണഭഗവാനോടുള്ള ഭക്തിയുടെ എല്ലാ മൂല്യങ്ങളും അതി മനോഹരമായി ഈ ഗാനത്തിൽ നമുക്ക് കാണാൻ സാധിക്കും. രാഗം വീഡിയോസ് ആണ് ഈ ഗാനം നിർമ്മിച്ചിരിക്കുന്നത്.