"കായാമ്പുക്കളോടിടയും തിരുമെയ് കണി കാണേണം കൃഷ്ണ ഹരേ" എന്ന ഗാനം 'വനമാല ' എന്ന ഭക്തിഗാന ആൽബത്തിലെ ഏറ്റവും മികച്ച ഗാനങ്ങളിലൊന്നാണ്. ഈ ഗാനത്തിന്റെ വരികൾ എസ്.രമേശൻ നായരും സംഗീത സംവിധാനം പി.കെ കേശവൻ നമ്പൂതിരിയുമാണ് നിർവഹിച്ചിരിക്കുന്നത്. ഗാനഗന്ധർവ്വൻ കെ.ജെ യേശുദാസാണ് ഈ മനോഹരമായ ഗാനം ആലപിച്ചിരിക്കുന്നത്. ഗുരുവായൂരിൽ വാണരുളുന്ന ഗുരുവായൂരപ്പനായ ശ്രീകൃഷ്ണനെയും അവിടുത്തെ വൈവിധ്യങ്ങളായ ആചാര രീതികളെ പറ്റിയും വാഴ്ത്തിപ്പാടുന്നതാണ് ഈ ഗാനം. തരംഗിണി വീഡിയോസാണ് ഈ ഗാനം നിർമ്മിച്ചിരിക്കുന്നത്.