ദേശീയ - അന്തർദേശീയ തലങ്ങളിൽ "കേരളത്തിന്റെ മുഖം" എന്ന് വിശേഷിപ്പിക്കാം കഥകളി എന്ന കലാരൂപത്തെ. വർണശബളമായ ചമയം എടുത്ത് പറയേണ്ട പ്രത്യേകതയാണ്. കഥാപാത്രത്തിനനുസരിച്ച് പച്ച, കത്തി, കരി മുതലായ പേരുകൾ നൽകിയിരിക്കുന്നു. ദിവ്യത്വവും, മഹത്വവുമുള്ള കഥാപാത്രങ്ങളുടെ വേഷം പച്ചയാണ്. ലോകത്തിന്റെ നാനാഭാഗത്തു നിന്നും കഥകളി ആസ്വദിക്കാനും പഠിക്കാനുമായി ആളുകൾ കേരളത്തിലെത്തുന്നു.