1998 ൽ റിലീസായ "കൊട്ടാരം വീട്ടിലെ അപ്പൂട്ടൻ" എന്ന ജയറാം ചിത്രത്തിലേതാണ് "കരളിന്റെ നോവറിഞ്ഞാൽ കളിവീണ പാടുമോ" എന്ന ഗാനം. എസ് രമേശൻ നായരുടെ വരികൾക്ക് ബേനി ഇഗ്നേഷ്യസിന്റെ സംഗീതം. ഈ ഗാനം ആലപിച്ചിരിക്കുന്നത് ദോ.കെ.ജെ.യേശുദാസ് ആണ്. ഈ ചിത്രത്തിന് ആസ്പദമായ കഥ സി.വി ബാലകൃഷ്ണന്റേതാണ്. തിരക്കഥ രചിച്ചത് മണി ഷൊർണൂരും സംഭാഷണം രാജൻ കിഴക്കിനെലയും ആണ് നിർവഹിച്ചത്. രാജസേനൻ സംവിധാനം ചെയ്‌ത ഈ ചിത്രം യുണൈറ്റഡ് വിഷന്റെ ബാനറിൽ കല്ലിയ്യൂർ ശശി ആണ് നിർമ്മിച്ചത്.