ശാലിനി എന്റെ കൂട്ടുകാരി എന്ന സിനിമയിലെ ഗാനമാണ് 'കണ്ണുകൾ കണ്ണുകൾക്കിടഞ്ഞു'. 1980 ൽ ആണ് ഗാനം പുറത്തിറങ്ങുന്നത്. മലയാള സിനിമാഗാന ചരിത്രത്തില്‍ ജി ദേവരാജന്‍ എന്ന സംഗീത സംവിധായകന്റെ സ്ഥാനവും സംഭാവനകളും ഏതാനും വാക്കുകളില്‍ ഒതുക്കാവുന്നതല്ല. മലയാളത്തിലെ എക്കാലത്തെയും മികച്ച സിനിമാ, നാടക ഗാനങ്ങളില്‍ പലതും ദേവരാജ സംഗീതത്തിലുള്ളതാണ്. അദ്ദേഹമാണ് ഈ ഗാനത്തിനും സംഗീതം കൊടുത്തത്. രാജേദ്രന്റെ ഗാന രചന കൂടി ചേരുമ്പോൾ ഗാനം വളരെ സുന്ദരമാവുകയാണ്. തമിഴ്നാട്ടിലുള്ള വെല്ലൂരിൽ സാംഗീതപാരമ്പര്യമുള്ള കുടുംബത്തിൽ ദുരൈസ്വാമി- പത്മാവതി ദമ്പതികളുടെ ആറ് പെണ്മക്കളിൽ അഞ്ചാമത്തെ മകളായ വാണി ജയറാമും ജയചന്ദ്രനും ആണ് ഗാനം ആലപിച്ചത്. സംഗീതത്തിനു പുതിയ മാനങ്ങള്‍ തന്നെ തന്റെ ശബ്ദവും ഭാവവും കൊണ്ട് തീര്‍ക്കാന്‍ ജയചന്ദ്രന് കഴിഞ്ഞിട്ടുണ്ട്.