1983-ൽ പുറത്തിറങ്ങിയ എന്റെ മാമാട്ടിക്കുട്ടിയമ്മക്ക് എന്ന ചിത്രത്തിലെ ഒരു മലയാളം ഗാനമാണ് “കണ്ണോട് കണ്ണോരം നീ കണിമലരല്ലേ”. ഈ ഗാനം ആലപിച്ചത് പ്രശസ്ത പിന്നണി ഗായകൻ ഗാനഗന്ധർവൻ കെ ജെ യേശുദാസാണ്. ബിച്ചു തിരുമലയാണ് ഈ ഗാനത്തിന്റെ വരികൾ എഴുതിയിരിക്കുന്നത്. സംഗീത സംവിധായകൻ ജെറി അമൽദേവ് മനോഹരമായി ഈ ഗാനം ചിട്ടപ്പെടുത്തിയിരിക്കുന്നു. ഈ മലയാള ചലചിത്രം സംവിധാനം ചെയ്തത് ഫാസിൽ ആണ്. സംവിധായകൻ ഫാസിൽ തന്നെയാണ് ഈ ചിത്രത്തിന്റെ കഥയും തിരക്കഥയും രചിച്ചത്. അശോക് കുമാർ ആണ് ഈ ചിത്രത്തിന്റെ ഛായാഗ്രഹണം നിർവഹിച്ചത്. നവോദയ സ്റ്റുഡിയോസിന്റെ ബാനറിൽ നവോദയ അപ്പച്ചൻ ആണ് ഈ ചിത്രം നിർമ്മിച്ചിരിക്കുന്നത്. 1983 ഇലെ ഒക്ടോബർ മാസം ഏഴാം തീയതി ആണ് ഈ ചിത്രം മലയാളത്തിൽ റിലീസ് ആവുന്നത്. ഭരത് ഗോപി, മോഹൻലാൽ, ശാലിനി, സംഗീത നായിക്, പൂർണിമ ജയറാം, തിലകൻ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. കണ്ണോടു കണ്ണോരം നീ കണിമലരല്ലേ, കാതോടു കാതോരം തേനൊലിയൊലിയല്ലേ, കണ്ണോടുകണ്ണോരം നീ കണിമലരല്ലേ, കാതോടു കാതോരം തേനൊലിയൊലിയല്ലേ, അകലെയേതോപൂവനിയിൽ വിരിഞ്ഞുവെന്നാലും, കണ്ണോടു കണ്ണോരം നീ കണിമലരല്ലേ.