കെ. ജി. മാർക്കോസ്, ജെൻസി എന്നീ പിന്നണിഗായകർ പാടിയ എക്കാലത്തെയും ഹിറ്റ്‌ റൊമാന്റിക് ഡ്യുയറ്റാണ് കന്നിപ്പൂമാനം കണ്ണും നട്ട്. 1982'ൽ പുറത്തിറങ്ങിയ "കേൾക്കാത്ത ശബ്ദം" എന്ന ബാലചന്ദ്രമേനോൻ, എസ് അംബിക താര ജോഡികളുടെ ഹിറ്റ് ചിത്രത്തിലെ ഗാനമാണിത്. അപ്രതീക്ഷിതമായി ഒരിളം തെന്നൽ വീശിയതുപോലെ തന്നിലേക്ക് പ്രണയം നിറച്ച്കൊണ്ട് വന്ന കാമുകിക്ക് വേണ്ടി കാമുകൻ പാടുന്ന പോലെയാണ് വരികൾ. ദേവദാസ് രചിച്ച വരികൾക്ക് ജോൺസൺ മാഷാണ് ഈണം നൽകിയത്. മലയാളത്തിന്റെ സുവർണ്ണ കാലഘട്ടമായ 1980'കളിലെ ഒരു അതുല്യ സൃഷ്ട്ടി തന്നെയാണീ ഗാനം.